The Herold

Hakob Kojoyan
“The Herold”
1921
Watercolor on Paper
24×18
Art Gallery of Armenia, Yerevan

Հայաստանի ազգային պատկերասրահի մշտական ցուցադրությունում պահվող այս փոքրաչափ, բայց տպավորիչ ստեղծագործությունը՝ Հակոբ Կոջոյանի «Հայկական մունետիկ» կտավը, 20-րդ դարի հայկական գրաֆիկայի իսկական գոհարներից է։

Մունետիկը՝ արքունի կարևոր պաշտոնյան, արքայի լրաբերն էր և անմիջականորեն ներգրավված էր երկրի կարևոր իրադարձություններում։ Կոջոյանը, հիմնվելով հայկական հերալդիկայի, մանրանկարչության և ոսկերչական արվեստի հարուստ ավանդույթների վրա, ստեղծել է սիմվոլիկ ու ընդհանրացված կերպար։

Նկարում մունետիկը պատկերված է պալատականներին հատուկ հագուստով՝ երկարաճիտ զարդանախշ կոշիկներ (մույկեր), կարճ պարեգոտ՝ գոտեվորված ոսկեզօծ քամարով, փետրազարդ ապարոշ և բազմածալ թիկնոց։ Նրա ձեռքում շեփոր է՝ զարդարված սիմվոլիկ դրոշով։

Այս բացառիկ կտավը Հակոբ Կոջոյանը 1926 թ. նվիրել է Պետական թանգարանին (այժմ՝ Հայաստանի ազգային պատկերասրահ)։

Հակոբ Կոջոյան, Հայկական մունետիկ, 1921